HEYDƏR ƏLİYEV ADINA CEYHAN TERMİNALINDAN 500-CÜ TANKER YOLA SALINMIŞDIR
AZƏRTAC-ın xüsusi müxbiri xəbər verir ki, Türkiyənin BOTAŞ şirkəti iyunun 15-də Heydər Əliyev adına Ceyhan terminalında Bakı-Tbilisi-Ceyhan əsas ixrac boru kəməri ilə nəql olunan xam neftin 500-cü tankerə yüklənməsi ilə bağlı bəyanat yaymışdır. 630 min barrel xam neft Malta bayrağı ilə üzən “St. Helen” tankerinə yüklənmişdir.
BOTAŞ İnternational Limited şirkətinin baş direktoru Salih Paşaoğlunun mətbuat üçün açıqlamasında bildirilir ki, adı çəkilən tankerlə eyni zamanda terminalda Böyük Britaniya bayrağı ilə üzən “İce transporter” tankeri də yüklənmişdir.
Şirkətdə bu əlamətdar hadisə ilə bağlı toplantı keçirilmiş, işçilərə mükafatlar təqdim olunmuşdur. Beləliklə, bu günə qədər BTC boru kəməri ilə nəql olunan 394 milyon barrel xam neft dünya bazarlarına yola salınmışdır.
Salih Paşaoğlu onu da əlavə etmişdir ki, indiyə qədər BTC kəmərində 4,5 milyon adam-saat davamlı iş günü qeydə alınmışdır.
Bölmənin digər xəbərləri
