“HEYDƏR ƏLİYEV LEKTORİYASI”NIN NÖVBƏTİ MƏŞĞƏLƏSİ
İştirakçılar ümummilli liderimiz Heydər Əliyevin və soyqırımı qurbanlarının xatirəsini bir dəqiqəlik sükutla yad etmişlər.
Bölmənin sədri, akademik İsmayıl Hacıyev ulu öndərimiz Heydər Əliyevin Azərbaycanın ictimai-siyasi həyatındakı əvəzsiz xidmətlərindən danışmış, ermənilərin xalqımıza qarşı törətdikləri soyqırımı barədə imzaladığı Fərmanın tarixi əhəmiyyətini vurğulamışdır. O, 1918-ci ilin martında Zəngəzur, İrəvan, Bakı, Şamaxı, Quba, Gəncə, Naxçıvan və digər bölgələrdə erməni daşnaklarının törətdikləri kütləvi qırğınların dəhşətlərini xatırlatmışdır.
Məşğələdə bölmənin Tarix, Etnoqrafiya və Arxeologiya İnstitutu Qafqaz tarixi şöbəsinin müdiri, tarix elmləri namizədi Emin Şıxəliyevin “Ermənilərin azərbaycanlılara qarşı törətdikləri soyqırımı və deportasiya tarixinin öyrənilməsi” mövzusunda məruzəsi dinlənilmişdir.
Məruzə ətrafında çıxış edənlər ermənilərin azərbaycanlılara qarşı daim həyata keçirdikləri soyqırımı siyasətinin ifşası, beynəlxalq ictimaiyyətə çatdırılması üçün məqsədyönlü iş aparmağın vacibliyini vurğulamışlar.
