HEYVANDARLAR QIŞLAMAYA CİDDİ HAZIRLAŞMIŞLAR
Cari ildə Qax rayonunun qoyunçuluq təsərrüfatlarında davarların sayı əvvəlki ilə nisbətən 2284 baş artaraq, 105 min 260-a çatmışdır. Təsərrüfatlarda saxlanılan qoyun-keçilərin 40 min başa yaxını cari qışlama dövrünü rayonun ərazisində olan Sarıca və Ağyazı qışlaqlarında keçirir.
Rayon icra hakimiyyətindən AZƏRTAC-ın müxbirinə bildirmişlər ki, qoyunçuluqla məşğul olan fiziki və hüquqi şəxslərə 16 min hektara yaxın qışlaq sahəsi icarəyə verilmişdir. Qışlaqlardakı qoyun damlarında cari təmir və dezinfeksiya işləri aparılmış, sürülər baytar nəzarətindən keçirilmişdir. Qışlamanın mütəşəkkil keçməsi üçün 400 hektara yaxın sahədə fəsillik arpa əkilmiş, əlavə yem ehtiyatı yaradılmışdır.
Bölmənin digər xəbərləri
