HİNDİSTAN VƏ PAKİSTAN RƏHBƏRLƏRİNİN GÖRÜŞÜ SÜLHƏ ÜMİD YARADIR

04.01.2004 [13:02]
Çap et
A⁺ A^-

AZƏRTAC-ın xəbər verdiyi kimi, Hindistanın Baş naziri Atal Bihari Vacpai Cənubi Asiya Ölkələri Regional Əməkdaşlıq Assosiasiyasının İslamabadda keçiriləcək üçgünlük zirvə toplantısında iştirak etmək üçün Pakistana gəlmişdir. Onun bu gün Pakistan Prezidenti Pərviz Müşərrəf ilə görüşü nəzərdə tutulmuşdur.

Hər iki ölkənin ictimaiyyəti bu görüşə böyük ümid bəsləyir və inanır ki, Hindistanla Pakistan arasında illərdən bəri davam edən qarşılıqlı etimadsızlığa və düşmənçiliyə, nəhayət, son qoyulacaqdır. “Regional azad ticarət zonası yaradılması haqqında” bir gün əvvəl imzalanan müqavilə bu ümidi daha da artırır.

Hindistanın xarici işlər naziri Yaşvant Sinha bəyan etmişdir ki, bu müqavilə Pakistanla əlaqələrin yaxşılaşmasına və möhkəmlənməsinə təkan verəcəkdir. 2006-cı ildə fəaliyyətə başlayacaq “Azad ticarət zonası”na Cənubi Asiya Ölkələri Regional Əməkdaşlıq Assosiasiyasının yeddi dövləti daxil olacaq və o, Yer kürəsi əhalisinin beşdə bir hissəsinin yaşadığı böyük bir ərazini əhatə edəcəkdir. Nazirin sözlərinə görə, bunun nəticəsində vahid Asiya valyutası da yaradıla bilər.

HİNDİSTAN VƏ PAKİSTAN RƏHBƏRLƏRİNİN GÖRÜŞÜ SÜLHƏ ÜMİD YARADIR

MÜƏLLİFLƏ ƏLAQƏ

Bölmənin digər xəbərləri