Hindistanda terrorçular zabiti, onun ailə üzvlərini və daha dörd hərbçini öldürüb
Bakı, 13 noyabr, AZƏRTAC
Hindistanın şimal-şərq ştatı Manipurda naməlum terrorçular quru qoşunlarının konvoyuna hücum ediblər.
AZƏRTAC NDTV telekanalına istinadla xəbər verir ki, hücum nəticəsində Hindistan quru qoşunlarının polkovniki, onun arvadı və oğlu, həmçinin daha dörd hərbi qulluqçu həlak olub.
Telekanalın məlumatına görə, terror aktı Myanma ilə sərhədin yaxınlığındakı Çuraçandpur dairəsində “Assam atıcıları” adlı elit batalyonun bölməsi ön düşərgədəki mövqedən qayıdarkən baş verib. Hücum yeri əhatəyə alınıb, ərazidə ekstremistlərin axtarışı gedir.
Manipurda bir neçə separatçı qruplaşma fəaliyyət göstərir, hələlik onların heç biri hücumun məsuliyyətini üzərinə götürməyib.
Bölmənin digər xəbərləri
