HİNDİSTANIN BAŞ NAZİRİ PAKİSTANA GƏLMİŞDİR

03.01.2004 [21:30]
Çap et
A⁺ A^-

AZƏRTAC-ın İslamabaddan aldığı xəbərə görə, Hindistanın Baş naziri Atal Bihari Vacpai son beş ildə ilk dəfə olaraq Pakistana gəlmişdir. O, Cənubi Asiya Ölkələri Regional Əməkdaşlıq Assosiasiyasının (SAARK) yanvarın 4-də İslamabadda açılacaq üçgünlük zirvə toplantısında iştirak edəcəkdir.

Baş nazir İslamabada yola düşməzdən əvvəl milli televiziyaya müsahibəsində bildirmişdir ki, onun Pakistan Prezidenti Pərviz Müşərrəflə görüşü nəzərdə tutulmur.

SAARK-ın zirvə toplantısı Hindistanla Pakistan arasında münasibətlərin mülayimləşdiyi bir dövrdə keçirilir və bunu beynəlxalq icmalçılar müsbət hal kimi qiymətləndirirlər.

Xatırladaq ki, Vacpai ilk dəfə Pakistana Hindistanın xarici işlər naziri olduğu vaxtda, 25 il əvvəl, 1978-ci ildə gəlmişdi. Beş il əvvəl o, Pəncab əyalətinin paytaxtı Lahora gələrək, Baş nazir Nəvaz Şəriflə görüşmüşdü. Burada tərəflər iki ölkə arasında münasibətlərin normallaşdırılmasına dair Lahor bəyannaməsi imzalamışdılar.

HİNDİSTANIN BAŞ NAZİRİ PAKİSTANA GƏLMİŞDİR

MÜƏLLİFLƏ ƏLAQƏ

Bölmənin digər xəbərləri