Honkonqda insanları qanunsuz aksiyalara qoşulmağa təhrikdə şübhəli bilinən şəxs saxlanılıb
Pekin, 3 sentyabr, AZƏRTAC
Çinin Honkonq xüsusi inzibati bölgəsində insanları qanunsuz aksiyalara qoşulmağa təhrik etməkdə şübhəli bilinən şəxs saxlanılıb.
AZƏRTAC Çin Mərkəzi Televiziyasına istinadla xəbər verir ki, Honkonq polisi 25 yaşlı İvan Lamı şəhər hava limanında xaricdən qayıdarkən həbs edib.
Qeyd edək ki, son aylar Honkonqda ekstradisiya haqqında qanuna təklif olunan düzəlişə etiraz olaraq başlayan qanunsuz aksiyalar şəhərdə asayişin pozulmasına, metronun və şəhər hava limanının işində fasilələrin yaranmasına səbəb olub, insanların gündəlik yaşayışına, sahibkarların fəaliyyətinə mənfi təsir göstərib. Aksiyaların gedişində polislər və jurnalistlər arasında xəsarət alanlar olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
