Horadizdə erməni işğalı zamanı dağıdılmış evlər bərpa edilərək yenidən sakinlərin istifadəsinə veriləcəkdir
Füzuli, 21 noyabr (AZƏRTAC). Erməni işğalı nəticəsində Horadiz şəhərində dağıdılmış evlər bərpa olunur.
Azərbaycan Prezidenti İlham Əliyevin 2013-cü il 27 iyun tarixli Sərəncamına uyğun olaraq həmin evlər yenidən bərpa olunaraq sahiblərinə qaytarılacaqdır. Bunun üçün Azərbaycan Respublikası Prezidentinin ehtiyat fondundan Füzuli Rayon İcra Hakimiyyətinə 6 milyon manat ayrılmışdır.
Qeyd edək ki, erməni işğalı nəticəsində Horadiz şəhərində 227 ev və 3 çoxmənzilli bina dağıdılmışdır.
Füzuli Rayon İcra Hakimiyyətindən AZƏRTAC-a bildirmişlər ki, iyul ayından 129 evdə və 2 kommunal binada, bu yaxınlarda isə daha 76 evdə bərpa işlərinə başlanılmışdır. Evlərin bəzisi bərpa edilir, tamamilə dağıdılmış evlərin yerində isə yeniləri tikilir.
Bərpa olunmuş və yenidən tikilmiş 45 evin sakinlərin istifadəsinə verilməsinə başlanılmışdır.
Bölmənin digər xəbərləri
