Hüquqi şəxslər tərəfindən əhaliyə 1461,6 milyon manatlıq xidmət göstərilib
Bakı, 21 aprel, AZƏRTAC
Birinci rübdə əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 1,7 faiz artaraq 2004,1 milyon manata çatıb.
Dövlət Statistika Komitəsindən AZƏRTAC-a bildiriblər ki, hüquqi şəxslər tərəfindən əhaliyə 1461,6 milyon manatlıq xidmət göstərilib ki, bu da xidmətlərin ümumi dəyərinin 72,9 faizini təşkil edib.
Cari ilin yanvar-mart aylarında hər bir ölkə sakini orta hesabla 204,7 manatlıq və ya ötən ilin müvafiq dövrü ilə müqayisədə nominal ifadədə 7,2 manat çox müxtəlif ödənişli xidmətlərdən istifadə edib.
Bölmənin digər xəbərləri
