ELM VƏ TƏHSİL
İbrahim Ethem Atnur: Azərbaycanda iqtisadi inkişafla yanaşı, yüksək elmi inkişaf da müşahidə olunur
Bakı, 23 may, AZƏRTAC
Azərbaycanda iqtisadi inkişafla yanaşı, yüksək elmi inkişaf da müşahidə olunur. Qafqazşünasların II Beynəlxalq Forumunun Bakıda təşkil olunmasını bu elmi inkişafın nəticəsi kimi qiymətləndirirəm.
Bu fikri AZƏRTAC-a müsahibəsində Atatürk Universitetinin tarix şöbəsinin professoru İbrahim Ethem Atnur deyib. O qeyd edib ki, forumda “Ermənistanın Naxçıvan Muxtar Respublikasına hücumları və Türkiyənin mövqeyi” mövzusunda məruzə edəcək.
“Ümid edirəm ki, dünya qafqazşünaslarını bir araya toplayan bu forum elmi biliklərin mübadiləsinə öz töhfəsini verəcək”, - deyə professor bildirib.