Rusiyanın Tambov və Lipetsk vilayətlərinə PUA hücumları olub, ölənlər var
Moskva, 26 avqust, AZƏRTAC
Rusiyanın Tambov vilayətinin Kotovsk şəhərində pilotsuz uçuş aparatının (PUA) düşməsi nəticəsində “Wildberries” logistika mərkəzində güclü yanğın baş verib.
AZƏRTAC xəbər verir ki, bu barədə Tambov vilayətinin qubernatoru Yevgeni Pervışov bildirib.
Onun sözlərinə görə, yanğının əhatə etdiyi ərazi 100 min kvadratmetrdən çox olub. Hadisə nəticəsində şirkətin bir əməkdaşı xəsarət alıb.
Kotovsk şəhərinin başçısı Aleksey Plaxotnikov şəhər sakinlərini dəm qazı və yana biləcək məhsullardan zəhərlənmə təhlükəsi ilə əlaqədar evdə qalmağa və pəncərələri bağlamağa çağırıb. Həmçinin şəhər sakinlərinə qarşıdakı iki gün ərzində şəhərdə fəal hərəkət etməkdən çəkinmək və çatdırılma xidmətlərindən istifadə etmək tövsiyə olunub.
Bundan başqa, Lipetsk dairəsində pilotsuz uçuş aparatının fərdi yaşayış evinin üzərinə düşməsi nəticəsində biri 14 yaşlı yeniyetmə olmaqla iki nəfər həlak olub.
Bu barədə regionun rəhbəri İqor Artamonov məlumat verib.
PUA-nın düşməsindən sonra evdə yanğın baş verib.
Bölmənin digər xəbərləri
