İDMANÇILARIMIZ AVROPA ÇEMPİONATININ İKİ QIZIL VƏ BİR BÜRÜNC MEDALINI QAZANMIŞLAR
Qitənin 16 ölkəsindən 245 atletin 12 çəki dərəcəsi üzrə mübarizə apardığı yarışda ölkəmizi Azərbaycan Pauerliftinq Federasiyasının prezidenti, baş məşqçi Ələddin Əliyevin rəhbərliyi ilə 4 idmançı təmsil etmişdir.
Avropa və dünya çempionları Vüsal Mərdanov (90 kq) 230 kq ağırlığı, İbrahim İbrahimov (100 kq) isə 245 kq ağırlığı qaldıraraq, növbəti dəfə qitə çempionatının qızıl medallarına sahib olmuşlar. Dəfələrlə Azərbaycan çempionu, belə mötəbər yarışda ilk dəfə iştirak edən Namiq Cəfərov (90 kq) 180 kq ağırlığı qaldıraraq bürünc medal qazanmışdır.
Beynəlxalq dərəcəli hakim qismində yarışları idarə edən Ələddin Əliyev ötənilki Avropa çempionatı ilə müqayisədə bu dəfə idmançılarımızın daha uğurla çıxış etdiyini bildirmişdir. Komandamız avqustda Rusiyanın Tolyatti şəhərində təşkil olunacaq Avropa kuboku uğrunda yarışlara və sentyabrda ABŞ-ın Las-Veqas şəhərində keçiriləcək dünya çempionatına hazırlaşdıracaqdır.
Bölmənin digər xəbərləri
