İLHAM ƏLİYEV: AVROPA ŞURASINDA AZƏRBAYCANLA BAĞLI PROBLEM YOXDUR
Avropa Şurası Parlament Assambleyasının sədr müavini və Büro üzvü İlham Əliyev Avropa Şurasında Azərbaycanın mövqeyi ilə bağlı bəzi məsələlərə aydınlıq gətirərək deyib ki, AŞPA - da Azərbaycanla bağlı heç bir ciddi problem yoxdur. Təşkilatda fikir ayrılığı yalnız məhbuslarla bağlıdır. Bizim mövqeyimiz dəyişməz olaraq qalır, Azərbaycanda siyasi məhbus yoxdur, müxtəlif cinayətlər törətmiş insanlar var və onlar da cəzalarını çəkirlər. Onların fikri bir qədər başqadır. Biz onlardan xahiş etmişdik ki, siyasi məhbus anlayışının meyarlarını bizə desinlər və biz bunu bilək. Bu meyarlar təkcə Azərbaycana deyil, bütün respublikalara şamil edilsin. Təssüf ki, bu günə qədər belə bir meyarlar bizə bəlli deyildir.
Martın 5-də AŞPA-nın siyasi komitəsinin iclasında yəqin ki, Dağlıq Qarabağ məsələsi müzakirə olunacaq və məsələ sonra büroya çıxarılacaqdır. Bu məsələni biz daim diqqət mərkəzində saxlayırıq. Strasburqda olarkən Azərbaycan nümayəndə heyəti Dağlıq Qarabağ üzrə məruzəçi Terri Devislə görüşüb və o, bu ayın sonlarında Azərbaycana gəlməlidir. Amma ermənilər Ermənistanda keçirilən prezident seçkiləri ilə əlaqədar olaraq komitənin iclasında iştirak etməyəcəklər. Azərbaycan münaqişənin sülh yolu ilə həllinə çalısır. Biz hesab edirik ki, sülh yolu ilə həlli imkanları hələ tükənməyibdir.
Bölmənin digər xəbərləri
