İlham Mirzəliyev: Azərbaycanda istilik mövsümünün müddətinə baxılmasına dair müzakirələr aparılır
Bakı, 14 aprel, AZƏRTAC
Azərbaycanda istilik mövsümünün müddətinə baxılmasına dair müzakirələr aparılır.
AZƏRTAC xəbər verir ki, bu barədə istilik mövsümünün bitməsinə həsr olunmuş mətbuat konfransında “Azəristiliktəchizat” ASC-nin sədri vəzifəsini müvəqqəti icra edən İlham Mirzəliyev bildirib.
Qeyd edib ki, “Azəristiliktəchizat” ASC, Energetika Nazirliyi və Ekologiya və Təbii Sərvətlər Nazirliyi ilə istilik mövsümünün müddətlərinə baxılmasına dair müzakirələr aparmaqdadır və təbii olaraq nəticələrinə dair ictimaiyyətə əlavə məlumat veriləcək.
“İstilik mövsümünün vaxtının dəyişdirilməsi asan proses deyil və əlavə enerji resursları, işçi heyəti və maliyyə vəsaitləri tələb edir. Hazırda bu məsələ müzakirələr mərhələsindədir və ilk növbədə bu məsələ çərçivəsində mexanizm müəyyən edilməlidir. Söhbət elə bir mexanizmdən gedir ki, mövsümün başlanması və bitməsi hansısa bir tarixlərə yox, havanın temperaturundan asılı olaraq müəyyən edilsin. İşlək, optimal və çevik mexanizm görmək istəyirik", - deyə İlham Mirzəliyev vurğulayıb.
Bölmənin digər xəbərləri
