İlham Namiq Kamal: Kinostudiyamız bərpa olunmalı və yenidən qurulmalıdır
Bakı, 21 aprel, AZƏRTAC
Kino Forumunda milli kinematoqrafiyanın inkişafı ilə bağlı fikirlər səsləndirilir. Əsas məsələ odur ki, kinostudiyamız bərpa olunmalı və yenidən qurulmalıdır.
Bu sözləri AZƏRTAC-a açıqlamasında “Azərbaycan Kinosu -125. Reallıq, çağırışlar və hədəflər” mövzusunda keçirilən Kino Forumunda iştirak edən aktyor, Xalq artisti, “Şöhrət” ordenli professor İlham Namiq Kamal deyib.
"Çox istərdim ki, kinostudiyamız təmir-bərpa olunaraq əvvəlki işlək vəziyyətinə qaytarılsın, texniki avadanlıqlar, yeni aparatlarla təmin edilsin. Çünki kino təkcə aktyor və rejissor ilə bitmir, ümumi çatışmazlıqlar aradan qaldırılmalıdır. Düşünürəm ki, bu, keçirilən ilk Kino Forumu olduğu üçün yaxşılığa doğru gözləntilərimiz daha böyükdür”, - deyə Xalq artisti vurğulayıb.
Bölmənin digər xəbərləri
