İNDİYƏDƏK 9,6 MİLYARD KİLOVAT-SAATA YAXIN ELEKTRİK ENERJİSİ İSTEHSAL EDİLMİŞDİR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, 2008-ci ilin beş ayında ölkənin enerji sistemində 9,6 milyard kilovat-saata yaxın elektrik enerjisi istehsal edilmişdir. Bunun 8,2 milyard kilovat-saatı istilik elektrik stansiyalarının, 1,4 milyard kilovat-saatı isə su elektrik stansiyalarının payına düşür.
Bu müddətdə qonşu dövlətlərlə də enerji mübadiləsi davam etdirilmişdir. İmzalanmış müqavilələrə əsasən, beş ay ərzində ölkəmizin enerji sisteminə Rusiyadan, İrandan və Gürcüstandan elektrik enerjisi daxil olmuşdur.
Bölmənin digər xəbərləri
