İNSAN ALVERİ İLƏ MƏŞĞUL OLAN BAKI SAKİNİ TUTULMUŞDUR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Bakı şəhər sakini Zərənfil Səlimova İnsan Alverinə Qarşı Mübarizə İdarəsinin əməkdaşları tərəfindən tutulmuşdur. O, gəlir əldə etmək məqsədi ilə qadınları Türkiyəyə cinsi istismar üçün aparırmış.
Ağdaş rayon sakini Şəhla Vahabova və Ağdam rayon sakini Eldəniz Cəfərov Binəqədi rayonu ərazisindəki “Aytac” kafesində, Qəşəm Atayev və Aftandil Abdullayev isə Bakıxanov qəsəbəsi ərazisindəki “Nərmin” kafesində əxlaqsızlıq yuvası təşkil etdikləri üçün tutulmuşlar.
Faktlarla bağlı cinayət işi açılmış, araşdırma aparılır.
Bölmənin digər xəbərləri
