“İQTİSADİ-SOSİAL HÜQUQLARIN MÜDAFİƏSİNDƏ ÜNVANLI SOSİAL YARDIMIN ROLU” MÖVZUSU MÜZAKİRƏ OLUNMUŞDUR
Müvəkkil Elmira Süleymanova ünvanlı sosial yardım siyasətinin həyata keçirilməsinin vacibliyini bildirmiş, bu sahədə qanunvericiliyin rolunu vurğulamış, iqtisadi-sosial hüquqların qorunmasında ombudsmanın rolundan danışmışdır.
Əmək və əhalinin sosial müdafiəsi naziri Füzuli Ələkbərov əhalinin sosial müdafiəsi sahəsində görülən işlər barədə məlumat vermiş, “İqtisadi –sosial hüquqların müdafiəsində ünvanlı sosial yardım” proqramının həyata keçirilməsinin əhəmiyyətini vurğulamış, bu sahədə görülən işlər və qarşıda duran vəzifələrdən söz açmışdır.
Milli Məclisin sosial siyasət daimi komissiyasının sədri Hadi Rəcəbli sosial sahədə qanunvericiliyin mövcud vəziyyəti və təkmilləşdirilməsinin perspektivləri barədə məlumat vermişdir.
Dəyirmi masada “Dövlətin ünvanlı sosial yardım siyasətinin həyata keçirilməsi sahəsində görülən işlər”, “Yerlərdə vətəndaşların sosial vəziyyətinin qiymətləndirilməsində bələdiyyələrin rolu”, “Əhalinin hüquqi maarifləndirilməsində qeyri-hökumət təşkilatlarının rolu” mövzusunda məruzələr dinlənilmişdir.
Sonda mövzu ətrafında müzakirələr aparılmış, təkliflər verilmişdir.
Bölmənin digər xəbərləri
