İrakli Kobaxidze: ABŞ-dan nikbin mesajlar alırıq
Tbilisi, 10 fevral, AZƏRTAC
"Amerika Birləşmiş Ştatlarından nikbin mesajlar gəlir. İstəyimiz strateji tərəfdaşlığı bərpa etməkdir, ABŞ tərəfinin addımlarını gözləyəcəyik".
AZƏRTAC xəbər verir ki, bu sözləri Gürcüstanın Baş naziri İrakli Kobaxidze jurnalistlərə açıqlamasında bildirib.
Hökumət başçısının sözlərinə görə, Gürcüstan ABŞ-la münasibətlərin yenidən qurulmasında və strateji tərəfdaşlığın bərpasında maraqlı olduğunu artıq ifadə edib.
"Əsasən bu, Amerika tərəfindən asılıdır. Biz münasibətlərin yenidən qurulmasında və strateji tərəfdaşlığın bərpasında maraqlıyıq. Amerika tərəfindən eşitdiyimiz son mesajlar bizə nikbin təsir bağışlayır. Biz ABŞ-ın bu istiqamətdə atacağı addımları gözləyəcəyik", - deyə Baş nazir bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
