İRAN NÜVƏ FƏALİYYƏTİNİ BAEA-NIN NƏZARƏTİ ALTINDA DAVAM ETDİRƏCƏKDİR

04.04.2006 [22:40]
Çap et
A⁺ A^-

AZƏRTAC “Novosti” agentliyinə istinadla xəbər verir ki, İran nüvə fəaliyyətini Beynəlxalq Atom Enerjisi Agentliyinin (BAEA) nəzarəti altında davam etdirəcəkdir. Bunu İranın xarici işlər naziri Mənuçehr Mottəki bildirmişdir.

Nazir demişdir: “İran dinc nüvə fəaliyyətinə Nüvə silahının yayılmaması haqqında müqavilədə nəzərdə tutulmuş qanuni hüququnu həyata keçirmək məqsədi ilə başlamışdır və bu işi BAEA-nın nəzarəti altında davam etdirəcəkdir”.

Onun sözlərinə görə, İranın atom proqramı ilə bağlı BAEA-ya təqdim etdiyi bütün sənədlər, habelə bu beynəlxalq təşkilatın İranda apardığı yoxlamalar göstərmişdir ki, Tehran nüvə silahının yayılmaması sahəsində öhdəlikləri yerinə yetirir. Mottəki vurğulamışdır ki, hazırkı şəraitdə İran nüvə problemini həll etmək üçün BAEA çərçivəsində dialoqa, əməkdaşlığa və fəaliyyətə üstünlük verir.

İRAN NÜVƏ FƏALİYYƏTİNİ BAEA-NIN NƏZARƏTİ ALTINDA DAVAM ETDİRƏCƏKDİR

MÜƏLLİFLƏ ƏLAQƏ

Bölmənin digər xəbərləri