İRANDA MATƏM DUALARI OXUNUR

03.01.2004 [10:31]
Çap et
A⁺ A^-

AZƏRTAC-ın Tehrandan aldığı xəbərdə deyilir ki, yanvarın 2-də İranın bütün məscidlərində təbii fəlakət qurbanlarının xatirəsinə dualar oxunmuşdur. Dekabrın 26-da səhər tezdən baş verən 6,9 bal gücündə zəlzələ Bəm şəhərini, demək olar, tamamilə dağıtmışdır. Son məlumata görə, zəlzələ nəticəsində 35 mindən çox adam ölmüş, azı 30 min nəfər xəsarət almışdır.

Xilasetmə işlərinin hələ dekabrın 31-də başa çatmasına baxmayaraq, uçuqlar altından hələ də sağ qalmış adamlar çıxarılmaqdadır. Təkcə yanvarın 1-də uçuqlar altından hələ həyat əlamətləri olan 11 nəfər çıxarmışlar.

Zəlzələdən zərərçəkənlərə xaricdən humanitar yardım gəlməkdə davam edir. Bəm hava limanına 50 ölkədən humanitar yardım gətirən 150 nəqliyyat təyyarəsi enmişdir. Kirman şəhərinin beynəlxalq hava limanı yanvarın 1-2-də 13 ölkənin humanitar yardımını qəbul etmişdir.

İRANDA MATƏM DUALARI OXUNUR

MÜƏLLİFLƏ ƏLAQƏ

Bölmənin digər xəbərləri