İspaniya hökuməti uşaqların müdafiəsinə ildə 75 milyon avro ayıracaq
Madrid, 10 iyun, AZƏRTAC
İspaniya Nazirlər Şurasının çərşənbə axşamı təsdiqlədiyi uşaqların qorunması haqqında Qanunun ilkin layihəsi təkcə hüquqi dəyişiklikləri deyil, həmçinin də onun yerinə yetirilməsi üçün hər il 75 milyon avro miqdarında maliyyə vəsaitinin ayrılmasını nəzərdə tutur.
AZƏRTAC xəbər verir ki, qanun layihəsi Konqres tərəfindən təsdiq edilməlidir. Ümumi dövlət büdcəsindən daxil olacaq maliyyə vəsaiti sosial xidmətlərin gücləndirilməsinə, yetkinlik yaşına çatmayanlara qarşı zorakılıqla mübarizəyə, iqtisadi vəziyyətindən asılı olmayaraq ağır cinayətlərin qurbanı olan uşaqlara pulsuz hüquqi yardım göstərilməsinə yönəldiləcək.
Bununla yanaşı, layihədə uşaq və yeniyetmələrə edilən zorakılıqla bağlı məsələlər üzrə mərkəzi məlumat reyestrinin yaradılması nəzərdə tutulur.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
