İspaniya iqtisadiyyatına yatırılan xarici investisiyaların həcmi rekord səviyyəyə çatıb

27.03.2019 [20:22]
Çap et
A⁺ A^-

Madrid, 27 mart, AZƏRTAC

Ötən ilin yekunlarına görə, İspaniya iqtisadiyyatına yatırılan birbaşa xarici investisiyaların həcmi 46,827 milyard avro məbləğində rekord göstəriciyə çatıb ki, bu da 2017-ci ildəkindən 71 faiz çoxdur.

AZƏRTAC İspaniya Sənaye Nazirliyinin məlumatına istinadla bildirir ki, söhbət konkret biznes və sənaye obyektlərinə - zavodların açılmasına, səhmlər əldə olunması yolu ilə müəssisə üzərində nəzarətdə iştiraka, daşınmaz əmlak alınmasına, yaxud yeni iş yerləri yaradan biznesin təşkil edilməsinə yatırılan birbaşa investisiyalardan, yəni əsasən İspaniyanın maliyyə-iqtisadi durumunun bərpa olunmasına yönəldilmiş uzunmüddətli layihələrdən gedir. Bu, ilk növbədə, xarici investorların 2018-ci ildə ən çox vəsait yatırdıqları Madrid, Araqon, Kastiliya-La-Mança, La-Rioxi və Navarra muxtar birliklərinə aiddir.

Nigar Cəfərli

AZƏRTAC-ın xüsusi müxbiri

Madrid