İspaniyada piratların internetdə kino saytlarına girişi məhdudlaşdırılıb
Bakı, 28 mart, AZƏRTAC
İspaniya məhkəməsi telefon istifadəçilərin internet üzərindən filmləri izləməsini məhdudlaşdırıb. Ölkədə fəaliyyət göstərən “Telefonica”, “Vodafone” və “Orange” mobil operatorlarına beş film saytlarına girişə qadağa qoyulub. Telekommunikasiya operatorları artıq saytların girişinə olan icazəni dayandırıb.
AZƏRTAC yerli KİV-lərə istinadla xəbər verir ki, burada söhbət zərərli internet səhifələrindən gedir. Böyük gəlirlər əldə edən bir çox yerli saytlar qanunsuz olaraq filmləri öz web-saytlarında yerləşdirirlər. Məhkəmənin hökmü “Columbia”, “Disney”, “Paramount”, “Fox”, “Universal” və “Warner” kimi kino və telestudiyaların tələbi ilə qüvvəyə minib.
“Fedicine”nin rəhbəri Estela Artaçonun sözlərinə görə, məhkəmənin bu qərarı kino yayımlanması sahəsində hüquqları daha çox qoruyacaq. Ekran əsərlərinin qanuni müəlliflərinin qorunması üçün bu qərar olduqca vacibdir.
Bölmənin digər xəbərləri
