İSPANİYANIN KATALONİYA MUXTARİYYƏTİ ÖLKƏMİZLƏİQTİSADİ ƏLAQƏLƏR YARATMAQDA MARAQLIDIR
Muxtariyyətin prezidenti Paskal Maraqall ölkəmizin Bakı-Tbilisi-Ceyhan, Bakı-Tbilisi-Ərzurum kimi strateji layihələr həyata keçirdiyini, sürətlə inkişaf edən iqtisadiyyata malik olduğunu bildirərək, respublikamızla iqtisadi əlaqələr yaratmaqda maraqlı olduqlarını diqqətə çatdırmışdır. P.Maraqall Azərbaycan Prezidenti İlham Əliyevin İspaniyaya səfəri zamanı Barselonada da olacağına ümid etdiklərini demişdir.
Beynəlxalq Olimpiya Komitəsinin fəxri prezidenti, İspaniyanın ən böyük banklarından olan “Caixa”nın rəhbəri Xuan Antonio Samaranç səfirlə görüşündə Avropada siyasət və idman aləmində böyük nüfuza sahib olan Prezident İlham Əliyevin ölkə başçısı seçildikdən sonra Milli Olimpiya Komitəsinə rəhbərliyini davam etdirməsinin düzgün qərar olduğunu demişdir.
Azərbaycanın bütün sahələrdə sürətlə inkişaf etdiyini vurğulayan X.A.Samaranç, Prezident İlham Əliyevə ən səmimi salamlarını çatdırmağı səfirdən xahiş etmişdir. O, Barselonada dövlətimizin başçısı İlham Əliyevlə görüşə biləcəyinə inandığını bildirmişdir.
Barselona Bələdiyyəsinin sədri Xuan Klos Metyu ilə görüşdə səfir M.Əliyev Bakı ilə Barselona arasında birbaşa iqtisadi, mədəni əlaqələrin yaradılması üçün onların “qardaşlaşmış şəhərlər” olmasının faydalılığını önə çəkmişdir. Təklifi yüksək qiymətləndirən X.K.Metyu Bakının Avropa böyük şəhərlər birliyinə üzv olmasını dəstəkləyəcəklərini demişdir.
Bölmənin digər xəbərləri
