İsrail ordusu “Hizbullah”ın Livandakı obyektlərinə zərbələr endirib
Bakı, 8 yanvar, AZƏRTAC
İsrail ordusu “Hizbullah” hərəkatının Livanda yerləşən bir sıra obyektlərini atəşə tutub.
AZƏRTAC xəbər verir ki, bu barədə İsrail Müdafiə Nazirliyinin mətbuat xidməti məlumat yayıb.
“SAXAL gecə saatlarında “Hizbullah” hərəkatının Livandakı mövqelərinə zərbələr endirib. İsrail Hərbi Hava Qüvvələrinin döyüş təyyarələri hərəkatın Mərvahina rayonundakı hərbi kompleksini və Ayta-əş-Şəb rayonundakı raket qurğusunu, həmçinin digər infrastruktur obyektlərini bombardman edib”, - deyə məlumatda bildirilir.
Eyni zamanda, son 24 saat ərzində İsrail ordusuna məxsus zərbə PUA-ları yəhudi dövlətinin nəzarətində olan ərazilərə atəş açmaq üçün istifadə edilən artilleriya qurğusuna, helikopterlər isə tank əleyhinə raket mövqelərinə zərbə endirib.
Bölmənin digər xəbərləri
