İsrail Ukraynaya silah vermək niyyətində deyil
Bakı, 19 oktyabr, AZƏRTAC
İsrail NATO ölkələri ilə birlikdə Ukraynanı dəstəkləyir, lakin Kiyevi silahla təmin etmək niyyətində deyil.
AZƏRTAC xarici KİV-ə istinadla xəbər verir ki, bu barədə çərşənbə günü İsrailin müdafiə naziri Benni Qantz Avropa İttifaqına üzv ölkələrin səfirləri ilə görüşündə bildirib.
"İsrail bir sıra operativ mülahizələr səbəbindən Ukraynaya silah sistemləri tədarük etməyəcək. Biz keçmişdə etdiyimiz kimi, məhdudiyyətlər çərçivəsində Ukraynanı dəstəkləməyə davam edəcəyik", - nazir belə deyib.
O, eyni zamanda, İsrailin Kiyevə humanitar yardım göstərmək siyasətinə sadiq qaldığını vurğulayıb.
Bölmənin digər xəbərləri
