İSTANBULDA 31 MART – AZƏRBAYCANLILARIN SOYQIRIMI GÜNÜ İLƏ ƏLAQƏDAR İZDİHAMLI MİTİNQ KEÇİRİLMİŞDİR
Aksiya iştirakçıları əllərində Türkiyə və Azərbaycanın dövlət bayraqlarını, “Ermənilər Qarabağdan rədd olsun!”, “Qarabağ Azərbaycanındır və Azərbaycanın olacaqdır!” şüarlarını tutmuşdular.
Ölkəmizin İstanbuldakı baş konsulu İbrahim Yaqubov çıxış edərək, Azərbaycan xalqının ümummilli lideri Heydər Əliyevin martın 31-nin azərbaycanlıların soyqırımı günü elan edilməsi ilə bağlı tarixi Fərmanının əhəmiyyətindən danışmış, xalqımızın haqq səsinin dünyaya çatdırılması üçün ulu öndərin gördüyü işləri xatırlatmışdır.
Xarici Ölkələrdə Yaşayan Azərbaycanlılarla İş üzrə Dövlət Komitəsinin nümayəndəsi Ramil Həsənov və başqaları çıxış edərək, əsrlər boyu ermənilərin xalqımızın başına gətirdikləri müsibətlərdən danışmışlar.
Mitinqi Türkiyənin və digər xarici dövlətlərin 15-dən çox televiziya kanalı və bir sıra qəzetlər işıqlandırmışlar. Aksiyada İstanbul ictimaiyyətinin nümayəndələri ilə yanaşı, Azərbaycan diasporunun rəhbərləri, Türkiyədə təhsil alan azərbaycanlı tələbələr də iştirak etmişlər.
Aprelin 1-də baş konsulluğun və Atatürk Düşüncə Dərnəkləri Federasiyasının təşkilatçılığı ilə 31 Mart - Azərbaycanlıların soyqırımı gününə həsr olunmuş böyük simpozium keçiriləcəkdir.
Bölmənin digər xəbərləri
