İSTANBULDA BEYNƏLXALQ KİTAB YARMARKASI AÇILMIŞDIR
AZƏRTAC-ın xüsusi müxbiri xəbər verir ki, oktyabrın 23-də İstanbulun Bəylikdüzü rayonundakı TÜYAP yarmarka və konqres mərkəzində beynəlxalq kitab sərgi-satış yarmarkası açılmışdır. Tədbirdə 400 nəşriyyatın və 20-dən çox ölkənin yazıçı və şairlərinin kitabları oxucuların diqqətinə təqdim edilmişdir. Yarmarkanın kitab rəflərində Azərbaycan yazıçıları Anar, Elçin və Çingiz Abdullayevin, şair Bəxtiyar Vahabzadənin də kitabları öz yerini almışdır. Tədbirdə oxucuların yazıçılarımızla görüşü nəzərdə tutulmuşdur.
