İSTANBULDA QİƏT-Ə ÜZV ÖLKƏLƏRİN TELEVİZİYA VƏ RADİO ŞURALARI RƏHBƏRLƏRİNİN TOPLANTISI KEÇİRİLMİŞDİR
AZƏRTAC-ın xüsusi müxbiri xəbər verir ki, Türkiyənin İstanbul şəhərində Qara dəniz İqtisadi Əməkdaşlıq Təşkilatına (QİƏT) üzv 12 ölkənin milli televiziya və radio şuralarının toplantısı keçirilmişdir. Toplantıda ölkəmizi Milli Televiziya və Radio Şurasının sədri Nuşirəvan Məhərrəmli təmsil edir.
Türkiyə Radio və Televiziya Ali Şurasının (RTÜK) sədri Zahid Akman toplantının açılışında etdiyi çıxışında bildirmişdir ki, Qara dəniz region ölkələrinin elektron kütləvi informasiya vasitələri efir məkanında vahid bir platforma yaratmaq, xüsusilə mədəniyyət sahəsində birgə verilişlər hazırlamaq istədiklərini söyləmişdir. Bundan başqa, uşaq və gənclər üçün proqramların hazırlanmasında bir sıra nizamlayıcı tədbirlərin həyata keçirilməsində də əməkdaşlıq nəzərdə tutulur.
Sonra, televiziya və radio şuralarının rəhbərləri müzakirələri mətbuata qapalı olaraq davam etdirmişlər.
Xatırladaq ki, Türkiyə 2007-ci ildə QİƏT ölkələri televiziya qurumlarının əməkdaşlığına dair bir layihə hazırlamış və təşkilatın İnformasiya və Kommunikasıya Texnologiyaları üzrə işçi qrupuna təqim etmişdi. Layihədə ortaq verilişlərin hazırlanması və xüsusi bir redaskiya heyəti yaradılması nəzərdə tutulurdu.
Bölmənin digər xəbərləri
