İSTEHLAKÇILARA 455 MİLYON KUBMETR SU VERİLMİŞDİR

10.12.2006 [14:17]
Çap et
A⁺ A^-

“Azərsu” Səhmdar Cəmiyyətinin sədri Nizaməddin Rzayev AZƏRTAC-a bildirmişdir ki, cari ilin on bir ayında istehlakçılara 455 milyon kubmetr həcmində su verilmiş və 293 milyon kubmetr həcmində tullantı sularının axıdılması üzrə xidmət göstərilmişdir. Su təchizatı və kanalizasiya sisteminin yaxşılaşdırılması istiqamətində qarşıda duran vəzifələrin yerinə yetirilməsi üçün 42,7 milyon manat məbləğində əsaslı tikinti və yenidənqurma işləri görülmüşdür. Bunun da 39 milyon manatı büdcə vəsaiti hesabına olmuşdur.

Bakıda və respublikanın digər şəhərləri və rayon mərkəzlərində müxtəlif diametrli 237,7 kilometr su, 112,3 kilometr kanalizasiya xətləri çəkilmişdir. Ümumi həcmi 9850 kubmetr olan 15 su anbarı tikilmiş və ümumi həcmi 82750 kubmetr olan 13 su anbarı yenidən qurulmuşdur. Su təchizatını yaxşılaşdırmaq məqsədi ilə 12 suqəbuledici qurğu, 7 yeni su nasos stansiyası və 3 yeni kanalizasiya nasos stansiyası tikilərək istifadəyə verilmişdir.

İSTEHLAKÇILARA 455 MİLYON KUBMETR SU VERİLMİŞDİR

MÜƏLLİFLƏ ƏLAQƏ