“İstifadəçi araşdırması” – BDU-da infosessiya
Bakı, 18 oktyabr, AZƏRTAC
“Paşa Bank” Bakı Dövlət Universitetinin (BDU) Karyera və məzunlarla əlaqə sektoru, Tələbə Həmkarlar İttifaqı Komitəsi ilə birgə universitet tələbələrinin əmək bazarına hazırlığını yüksəltmək üçün növbəti təlim keçirib.
Bu barədə AZƏRTAC-a BDU-dan məlumat verilib.
Təlimdə BDU-nun Karyera və məzunlarla əlaqə sektorunun baş mütəxəssisi İlkin Şərifov sektorun fəaliyyəti haqqında məlumat verib. Bildirilib ki, sektorun əsas məqsədi tələbələrə gələcək karyera quruculuğunda yardım etməkdir.
“Paşa Bank”ın əməkdaşı Təhminə Misirli “istifadəçi araşdırması” barədə danışıb. Təlimçi bildirib ki, “istifadəçi araşdırması” həyata keçirilərkən müsahibələr zamanı hədəflənən istifadəçilərin məhsul və ya xidmətin dizaynı, digər xüsusiyyətləri ilə bağlı istəkləri nəzərə alınmalıdır. Bu zaman kəmiyyət, keyfiyyət göstəriciləri, həmin göstəricilərin təhlili metodları mühüm əhəmiyyət kəsb edir.
T.Misirli vurğulayıb ki, uğurlu “istifadəçi araşdırması” uğurlu məhsulun yaradılması və inkişafı üçün ilkin zəmindir.
Sonra iştirakçıların sualları cavablandırılıb.
Bölmənin digər xəbərləri
