İstiqlal yolunda ilk şəhidlik zirvəsi
Ağdam, 17 yanvar (AZƏRTAC). Ağdam Uşaq və Ailələrə Dəstək Mərkəzinin təşkilatçılığı ilə məcburi köçkünlərin müvəqqəti məskunlaşdığı Birinci Dördyol qəsəbəsində “20 Yanvar istiqlal yolunda ilk şəhidlik zirvəmizdir” adlı tədbir keçirilmişdir.
AZƏRTAC xəbər verir ki, rayon ictimaiyyətinin nümayəndələrinin, qəsəbə sakinlərinin və məktəblilərin iştirakı ilə keçirilən tədbirdə Azərbaycanın müstəqilliyi və azadlığı uğrunda qurban getmiş şəhidlərimizin xatirəsi bir dəqiqəlik sükutla yad edilmişdir.
Tədbirdə çıxış edənlər qanlı Yanvar faciəsinin səbəbləri və ağır nəticələri barədə danışmış, hadisəyə siyasi-hüquqi qiymət verilməsində, şəhidlərin adının əbədiləşdirilməsində ümummilli lider Heydər Əliyevin tarixi xidmətlərini xatırlatmışlar. Çıxışlarda 20 Yanvar faciəsinin xalqımızın yaddaşından heç vaxt silinməyəcəyi, mübarizlik və qəhrəmanlıq günü kimi anılacağını vurğulamışlar.
Bölmənin digər xəbərləri
