İsveç meşələrində Dəmir dövrünə aid mirvari tapılıb
İsveç, 5 sentyabr, Nərgiz Cəfərli, AZƏRTAC
İsveçin Oskarshamn meşəsində getdiyi cığırı fənərlə işıqlandıran bir adam dəmir dövrünə aid mirvari tapıb.
AZƏRTAC xəbər verir ki, bu tapıntı İsveçin Dövlət Mədəniyyət Abidələrinin Mühafizəsi Departamentinə təhvil verilib.
Departament kənar ekspertlə məsləhətləşdikdən sonra filiqran detalları olan qızıl mirvarinin Roma Dəmir dövrünə (0-375-ci illər) aid olduğunu bildirib.
Bənzər mirvarilər əvvəllər Qotland adasında tapılıb, lakin materikdə onlara çox nadir hallarda rast gəlinir. Arxeoloq Kent Andersson əmindir ki, təfərrüatlar və iki konusun bağlanma üsulu mirvarinin buraya adadan gəldiyini göstərir. Ehtimal ki, ondan nüfuzlu insanlar arasında hədiyyə kimi istifadə olunub.
Bildirilir ki, tapıntı çox mühüm elmi, mədəni və tarixi məlumatları ehtiva edir.
Hazırda mirvarilər bərpaçı tərəfindən saxlanılır, bundan sonra onları Kalmar dairəsi muzeyinin kolleksiyalarına əlavə edəcəklər.
Tapıntını aşkar edən şəxsə 1600 dollar mükafat verilib.
Bölmənin digər xəbərləri
