İtaliya-Azərbaycan birgə elmi və texnoloji əməkdaşlıq üzrə layihə müsabiqəsi elan edilir
Bakı, 15 may, AZƏRTAC
İtaliya və Azərbaycan arasında mədəniyyət, təhsil, elm və texnologiya üzrə əməkdaşlıq haqqında saziş çərçivəsində 2020-2022-ci illər üçün elmi və texnoloji əməkdaşlıq üzrə ilk icra proqramı hazırlanır.
Azərbaycan Milli Elmlər Akademiyasından AZƏRTAC-a bildirilib ki, bu məqsədlə İtaliya-Azərbaycan birgə elmi və texnoloji əməkdaşlıq üzrə “Tədqiqatçıların mübadiləsi” üçün layihə müsabiqəsi elan edilir.
Tədqiqatçıların mübadilə layihələri aşağıda qeyd olunan prioritet tədqiqat sahələri üzrə təqdim edilməlidir:
- Yer elmləri;
- Tibb və biotibb;
- Fizika və astrofizika;
- Mədəni irsə tətbiq olunan texnologiyalar.
Layihə təklifləri iyulun 31-dək AMEA Rəyasət Heyəti aparatının beynəlxalq əlaqələr idarəsi tərəfindən qəbul edilir.
Tel.: (+994 12) 492 54 93. Ünvan: Bakı şəhəri, İstiqlaliyyət küçəsi, 30
Bölmənin digər xəbərləri
