İtaliya hökuməti yerli turizmi dirçəltmək üçün vəsait ayırıb
Roma, 14 may, AZƏRTAC
İtaliya hökuməti vətəndaşlarına yerli turizmi inkişaf etdirmək üçün adambaşı 500 avro vəsait verəcək.
AZƏRTAC xəbər verir ki, bu sözləri İtaliyanın Baş Naziri Cüzeppe Konte deyib. O, keçirdiyi iclasda bəyan edib ki, illik gəliri 40 min avrodan az olan hər bir ailənin yetkin şəxsləri bu məbləği yerli turizmi inkişaf etdirmək məqsədilə alacaq. Artıq müvafiq qanun da qüvvəyə minib.
Qanuna əsasən, hökumət ümumilikdə, aztəminatlı ailələr, kiçik və orta sahibkarlara dəstək məqsədilə 55 milyon avro vəsait ayırıb. Habelə müxtəlif şirkətlərin ümumilikdə 4 milyard avro dəyərindəki müxtəlif vergi ödəmələri də dayandırılıb.
Aygün Əliyeva
AZƏRTAC-ın xüsusi müxbiri
Roma
Bölmənin digər xəbərləri
