İtaliyada dəmir yolunda baş verən yanğın qatarların hərəkətində fasilələrə səbəb olub

24.07.2019 [20:17]
Çap et
A⁺ A^-

Roma, 24 iyul, AZƏRTAC

İtaliyanın Florensiya şəhərində dəmir yolunun transformator stansiyasında baş verən yanğın ölkə üzrə qatarların hərəkətində fasilələrin yaranmasına səbəb olub.

AZƏRTAC İtaliyanın ANSA agentliyinə istinadla xəbər verir ki, hadisə nəticəsində ölkənin əsas şimal-cənub dəmir yolu xəttində hər iki istiqamətdə qatarların hərəkətində uzunmüddətli gecikmələr yaranıb.

İtaliya Dövlət Dəmir yolu Şirkəti (RFİ) yanğının naməlum şəxs və ya şəxslər tərəfindən törədildiyini bildirib.

Şirkətdən bildiriblər ki, qatarların hərəkətində təxminən 3 saatlıq gecikmə olub. Bu isə gün ərzində normal hərəkət qrafikin bərpa olunmasına çətinliklər yaradıb. Yanğın səbəbindən 25 sürət qatarın hərəkəti ləğv edilib.

Faktla bağlı araşdırma aparılır.

Asiman Əsədov

AZƏRTAC-ın xüsusi müxbiri

Roma