İtaliyada inflyasiya göstəricisində artım qeydə alınıb
Roma, 8 yanvar, AZƏRTAC
Dekabrda İtaliyada inflyasiya səviyyəsi əvvəlki aya nisbətən 0,2 faiz, illik müqayisədə isə 0,6 faiz artıb.
AZƏRTAC xəbər verir ki, bu barədə İtaliya Milli Statistika İnstitutu (ISTAT) məlumat yayıb. Bildirilir ki, ötən ay inflyasiya səviyyəsi 2022-ci ilin dekabrına nisbətdə 11,6 faiz azalıb. Ötən il ərzində istehlak qiymətləri isə orta hesabla 5,7 faiz artıb. 2022-ci ildəki 8,1 faizlik göstərici ilə müqayisədə qiymətlərdəki artımda kəskin yavaşlama da qeydə alınıb.
İnflyasiyanın tendensiya əsasında yavaşlaması, əsasən tənzimlənən enerji məhsullarının qiymətləri ilə izah olunur. Lakin tütün məmulatları da daxil bütün növlər üzrə milli istehlak qiymətləri indeksi aylıq olaraq 0,2 faiz, illik əsasda isə 0,6 faiz artıb. Qida sektorunda qiymətlərin orta illik artımı 9,8 faiz təşkil edib.
İnflyasiya göstəricisinin 2024-cü ildə də artım tendensiyası göstərəcəyi proqnozlaşdırılır.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
