“İXRAC NƏZARƏTİ HAQQINDA” QANUN LAYİHƏSİMİLLİ MƏCLİSİN MÜZAKİRƏSİNƏ ÇIXARILMIŞDIR
AZƏRTAC xəbər verir ki, iclasda “İxrac nəzarəti haqqında” qanun layihəsi müzakirə olunmuşdur. Komissiyanın sədri Səttar Səfərov demişdir ki, bu qanun dövlət tərəfindən ixrac nəzarətinin həyata keçirilməsinin hüquqi əsaslarını və ixrac nəzarətinə düşən malların (işlərin, xidmətlərin, əqli mülkiyyət hüquqlarının) Azərbaycan Respublikasının gömrük sərhədindən keçirilməsi qaydalarını müəyyən edir.
Müzakirələr zamanı layihənin vacibliyi xüsusi vurğulanmış və qeyd olunmuşdur ki, ixrac və idxala nəzarət təkcə bu qanunla həyata keçirilə bilməz. Odur ki, bir sıra digər normativ hüquqi aktlar da qəbul olunmalıdır. Layihə ilə bağlı Milli Məclis sədrinin birinci müavini Arif Rəhimzadə öz tövsiyələrini vermişdir. Sonda layihənin parlamentin müzakirəsinə çıxarılması və digər normativ hüquqi aktların hazırlanması qərara alınmışdır.
Bölmənin digər xəbərləri
