“Joint Leasing” lizinq şirkətinin yeni Müşahidə Şurasının təqdimatı olmuşdur
Bakı, 14 noyabr (AZƏRTAC). “Joint Leasing” lizinq şirkətinin yeni Müşahidə Şurasının təqdimatı keçirilmişdir.
AZƏRTAC xəbər verir ki, şirkətin Müşahidə Şurasının yeni sədri baronessa Nikolson Vinterborn, üzvləri isə Rəşad Hacıyev və Maykl Bordman olacaqlar.
Tədbirdə bildirilmişdir ki, Müşahidə Şurasının bu tərkibdə formalaşdırılması şirkətin beynəlxalq səviyyəyə çıxmasına, beynəlxalq maliyyə bazarlarından vəsaitlərin cəlb olunmasına və beynəlxalq miqyasda inkişafına xidmət edəcəkdir. Lizinq şirkətinin yeni inkişaf strategiyasında ölkənin lizinq bazarında lider mövqelərinin daha da möhkəmləndirilməsi və tam müstəqil şəkildə fəaliyyət göstərməsi planları əksini tapacaqdır.
Təqdimatda, həmçinin nizamnamə kapitalının 700 min manatdan 1,26 milyon manatadək artırıldığı və bu prosesin davam etdiriləcəyi bildirilmişdir.
Bölmənin digər xəbərləri
