JURNALİSTLƏRƏ METODİK İNFORMASİYA DƏSTƏYİ GÖSTƏRİLİR
“Multimedia” İnformasiya Sistemləri və Texnologiyaları Mərkəzindən AZƏRTAC-a bildirmişlər ki, “Jurnalistlərin informasiya-kommunikasiya texnologiyaları üzrə bacarıqlarının artırılmasına dəstək” layihəsi çərçivəsində növbəti məşğələ keçirilmişdir.
Layihənin məqsədi jurnalistlərin peşəkarlığının artırılmasına kömək etmək, informasiya cəmiyyətinin tələblərinə cavab verən jurnalistlər hazırlamaq, media subyektlərinin fəaliyyətinin təkmilləşdirilməsinə metodik informasiya dəstəyi göstərməkdir.
Müxtəlif KİV-lərdə çalışan jurnalistlər və tələbələrin iştirak etdikləri məşgələdə elektron xidmətlər, online ödəmə, elektron sorğular, elektron ticarət, elektron formada alqı-satqı əməliyyatlarının icrası və s. barədə məlumat verilmiş, mövzu ətrafında təcrübi nümunələr təqdim olunmuşdur.
