Kaliforniya sahillərində qəzaya uğramış gəmidə 25 nəfərin cəsədi tapılıb
Bakı, 3 sentyabr, AZƏRTAC
ABŞ-ın Kaliforniya ştatı sahillərində yanğın nəticəsində qəzaya uğrayan kiçik gəmidə yanaraq ölmüş 25 nəfərin cəsədi aşkar edilib. Birləşmiş Ştatların Sahil Mühafizə Xidmətinin məlumatına görə, daha 9 itkin düşmüş şəxsin axtarışı davam edir.
AZƏRTAC BBC telekanalının saytına istinadla xəbər verir ki, gəmidə yanğın Los-Anceles şəhərinin 145 kilometr qərbində yerləşən Santa Kruz adasının yaxınlığında başlayıb. Şəhərin polis rəisi Bill Braun bildirib ki, gəminin göyərtəsində 39 nəfər olub və ekipajın 5 üzvü sağ qalıb. Ölənlərin hamısı sərnişinlərdir, onlardan 9 nəfəri isə yanğın vaxtı suya tullanıb.
“New York Times” qəzetinə müsahibə verən gəminin sahibi Bob Hansen bildirib ki, yanğının səbəbi yanacağın sızması ola bilər. Onun sözlərinə görə, yanğın vaxtı göyərtədə olan oksigen və propan qazı balonları da partlayıb.
Bölmənin digər xəbərləri
