DÜNYA
Kaliforniya ştatında meşə yanğınları tüğyan edir
Bakı, 7 noyabr, AZƏRTAC
Kaliforniya ştatının cənubunda sürətlə yayılan təbiət yanğınları minlərlə insanın evlərini tərk etməsinə səbəb olub.
AZƏRTAC xəbər verir ki, Los-Ancelesdən təxminən 80 kilometr şimal-qərbdə başlayan yanğın bir neçə saat ərzində 40 kvadratkilometrdən çox əraziyə yayılıb. ABŞ-ın hakimiyyət orqanları vətəndaşları təxliyə ilə bağlı göstərişlərə ciddi əməl etməyə çağırıb. Yanğın zamanı xəsarət alan bir neçə nəfər yerli xəstəxanalara çatdırılıb.
Eyni zamanda, meteorologiya xidmətləri Cənubi Kaliforniyada xüsusilə payız və qış aylarında baş verən güclü “Santa-Ana-Winden” küləkləri barədə xəbərdarlıq edib. Quru küləklərin yanğın təhlükəsini daha da artıracağı bildirilir.
Kaliforniya qubernatoru Qevin Nyusom yanğınla mübarizə üçün Fövqəladə Halların İdarə Olunması üzrə Federal Agentlikdən təcili yardım istəyib. Onun sözlərinə görə, yanğının təsirinə məruz qalan bölgədə 3500-dən çox ev və biznes obyekti təhlükə altındadır.
