Kamala Harris Donald Trampla reytinq fərqini 1 faizədək azaldıb
Bakı, 17 oktyabr, AZƏRTAC
ABŞ-ın vitse-prezidenti və ən yüksək dövlət postuna Demokratlar partiyasından namizəd Kamala Harris amerikalı seçicilərin dəstək səviyyəsinə görə Respublikaçılar partiyasından olan əsas rəqibi Donald Trampla arasındakı fərqi 1 faizə endirib.
AZƏRTAC xəbər verir ki, bunu “Rasmussen Reports” tədqiqat təşkilatının keçirdiyi ictimai rəy sorğusunun nəticələri göstərib.
Məlumata görə, sorğu iştirakçılarının 48 faizi noyabrda keçiriləcək prezident seçkilərində Donald Trampa, 47 faizi isə Kamala Harrisə səs verməyə hazırdır. Eyni zamanda, respondentlərin 3 faizi başqa namizədə səs verəcəklərini bildiriblər.
Oktyabrın 10-15-də telefon vasitəsilə keçirilən sorğuda 2 mindən çox amerikalı seçici iştirak edib.
Təşkilatın öncəki sorğusunun nəticəsinə görə, Donald Trampa dəstək səviyyəsi 48 faiz, Kamala Harrisə dəstək səviyyəsi isə 46 faiz olub.
Bölmənin digər xəbərləri
