“Kapellhaus”da tanınmış alman rəssamının işıq instalyasiyası nümayiş olunacaq
Bakı, 2 mart, AZƏRTAC
Martın 10-da “Kapellhaus” Alman-Azərbaycan Mədəniyyət Birliyində tanınmış alman rəssamı Mişa Kubalın “Space-Speech Speed” işıq instalyasiyası nümayiş olunacaq.
Mədəniyyət Birliyindən AZƏRTAC-a verilən məlumata görə, sərgi aprelin 8-dək davam edəcək.
Qeyd edək ki, incəsənətlə 40 ildən bəri məşğul olan rəssam işıq effektlərindən geniş şəkildə istifadə edir və onu şəhər strukturunda fəaliyyət göstərən səmərəli vasitə kimi təsvir edir. Rəssamın müdaxilələri əvvəlcədən gözə dəyməyən detalları daha qabarıq şəkildə önə çəkən, adi halı qeyri-adi hala çevirən və məkanın tanınmaz dərəcədə dəyişməsini təmin edən ışıq və qaranlığın güclü istifadəsi ilə seçilir.
“Space-Speech-Speed” işıq instalyasiyası səssizlikdə nümayiş olunur. Bir ay ərzində Kapellhausun əsas salonu insana düşünmək və istirahət imkanı yaradan heyranedici işıq instalyasiyasına meydan verəcək.
Bölmənin digər xəbərləri
