KARTOF ƏKİNİ SAHƏLƏRİ ÜÇ DƏFƏ ARTMIŞDIR
Kürdəmir, 13 yanvar (AZƏRTAC). Əsası ümummilli liderimiz Heydər Əliyev tərəfindən müəyyənləşdirilən, Prezident İlham Əliyevin rəhbərliyi ilə elmi əsaslarla inkişaf etdirilən dövlət aqrar siyasəti respublikamızın bütün bölgələrində olduğu kimi, Kürdəmirdə də kənd təsərrüfatının ənənəvi sahələri ilə yanaşı, qeyri-ənənəvi sahələrinin də sürətli inkişafına səbəb olmuşdur.
Rayon icra hakimiyyətinin aqrar şöbəsindən bildirmişlər ki, torpaq mülkiyyətçiləri son beş ildə kartof əkini sahələrini üç dəfəyədək genişləndirərək ötən il 1.329 hektara çatdırmışlar.
Təkcə keçən il kartof sahələrindən 14 min 700 ton məhsul yığılmışdır ki, bu da inişilki göstəricidən 3.200 ton artıqdır. Bir sıra kəndlərdə, xüsusən Kür çayının kənarında və çaya yaxın ərazilərdə sakinlər ildə iki dəfə - yazda və payızda kartof əkir, yüksək məhsul götürürlər.
Bölmənin digər xəbərləri
