KARTOF İSTEHSALINDA HƏR HEKTARDAN MƏHSULDARLIQ 142 SENTNERƏ YÜKSƏLMİŞDİR
Cari ildə respublikanın ənənəvi kartofçuluq rayonlarında 67 min 103 hektarda bu qiymətli bitki becərilmişdir.
Kənd Təsərrüfatı Nazirliyinin bitkiçilik məhsullarının istehsalı, emalı və ərzaq ehtiyatlarının dövlət tənzimlənməsi şöbəsindən AZƏRTAC-a bildirmişlər ki, 9 ayda respublikada 960 min 400 ton kartof yığılmışdır. Bu, keçən ilin müvafiq dövründə olduğundan 81 min 462 ton çoxdur.
Ötən illə müqayisədə hər hektardan məhsuldarlıq 137,7 sentnerdən 142 sentnerə yüksəlmişdir.
İlin ötən müddətində Tovuz rayonunda 294 min 447 ton, Gədəbəydə 173 min 201 ton, Şəkidə 111 min ton, Şəmkirdə 102 min tona yaxın məhsul tədarük olunmuşdur. Bu göstəricilər ötən ilin müvafiq döru ilə müqayisədə xeyli çoxdur.
Məhsul yığımı davam edir.
Bölmənin digər xəbərləri
