İQTİSADİYYAT
Katiblik rəhbəri: Kommunal xidmətlərə qoşulmada əlçatanlığın təmin olması çox vacibdir
![Katiblik rəhbəri: Kommunal xidmətlərə qoşulmada əlçatanlığın təmin olması çox vacibdir](/files/2024/2/1200x630/17165758894105522390_1200x630.jpeg)
Bakı, 24 may, AZƏRTAC
Azərbaycanda kommunal xidmətlərə qoşulmada əlçatanlığın təmin olması və çevik yanaşmanın formalaşması çox vacibdir.
AZƏRTAC xəbər verir ki, bunu Azərbaycanın Biznes mühiti və beynəlxalq reytinqlər üzrə Komissiyasının katibliyinin rəhbəri Vüsal Şıxəliyev “Su şəbəkəsinə qoşulma” İşçi qrupunun 10-cu iclasında “2023-cü il Fəaliyyət Planının icra vəziyyəti və qarşıda duran prioritetlər” mövzusunda keçirilən tədbir çərçivəsində deyib.
“Məhz bu aspekti nəzərə alaraq, 2022-ci ilin ortalarında komissiyasının daxilində “Su şəbəkəsinə qoşulma” işçi qrupu yaradılıb. Hazırda Dövlət Su Ehtiyatları Agentliyinin rəhbərlik etdiyi işçi qrupunun vəzifəsi müvafiq sahədə biznes proseslərin təhlil olunması və müasir çağırışlara uyğun, adekvat ekosistemə nail olunması istiqamətində təkliflər hazırlamaqdır”, - deyə Vüsal Şıxəliyev bildirib.