Keçmiş məcburi köçkün: Otuz ildir bu xoş günün gələcəyini gözləyirdik
Bakı, 29 yanvar, AZƏRTAC
Bu gün çox sevincli və qürurlu günlərdən biridir. Çünki 30 ildən sonra doğma el-obama qayıdıram. Vətən uğurunda şəhidlik zirvəsinə ucalanlara Allahdan rəhmət, ailələrinə səbir, qazilərimizə isə şəfa diləyirəm. Bizə bu şərəfli günləri yaşadan Müzəffər Ali Baş Komandan İlham Əliyevə minnətdarlığımı bildirirəm. Otuz ildir hamımız bu xoş günün gələcəyini gözləyirdik.
Bu sözləri AZƏRTAC-a müsahibəsində yanvarın 29-da Bakıdan Füzuli rayonuna yola düşən keçmiş məcburi köçkün Günel Hüseynova deyib.
“Allaha çox şükür ki, haqq-ədalət öz yerini tapdı. Nəhayət, bizim doğma yurd həsrətimiz sona çatdı. Füzulidən gənc yaşlarımda çıxmışam, indi isə öz ailəmlə doğma elimə qayıdıram”, - deyən Günel Hüseynova sevincinin həddi-hüdudu olmadığını bildirib.
Bölmənin digər xəbərləri
