KƏNDLİ FERMER TƏSƏRRÜFATLARINDA YENI EMAL SAHƏLƏRI YARANIR
Salyanda Regionların sosial-iqtisadi inkişafı Dövlət Proqramının tələblərinə uyğun olaraq sahibkarlıq inkişaf etdirilir. Son illər rayonda 7.685 yeni iş yeri açılmışdır. 2008-ci ilədək isə daha 4 min yeni iş yerinin açılması qarşıda bir vəzifə kimi dayanır.
Rayon İcra Hakimiyyətinin aqrar məsələlər şöbəsindən AZƏRTAC-a bildirmişlər ki, Dövlət Proqramının qəbulundan bəri təkcə rayondakı "Hacı Camalxan" kəndli fermer təsərrüfatında 200 nəfərədək adamın məşğulluğuna imkan yaradılmışdır. Müəssisədə gündəlik emal gücü 50 ton olan pambıq zavodu, toxuculuq kombinatı, qarışıq yem istehsalı və süd sağımı sexlərinin tikintisi başa çatdırılmışdır. Hazırda gündəlik istehsal cücü 155 ton olan konserv kombinatının əsas texnoloji avadanlıqları quraşdırılır. Bu ilin sonunadək yeni emal sahələrinin tam gücü ilə fəaliyyət göstərməsi təkcə rayonda deyil, bölgədə kənd təsərrüfatının əsaslı irəliləyişinə təkan verəcək, daha 300 nəfərə yaxın adamın daimi işlə təmin olunmasına imkan verəcəkdir.
Bölmənin digər xəbərləri
